Mömmur og möffins 15 ára í ár!

Mömmur og möffins verða að sjálfsögðu yfir Verslunarmannahelgina í ár enda löngu orðinn fastur liður yfir hátíðina. Í ár verður viðburðurinn 15 ára!

Sjálfboðavinna 11 kvenna, þar á meðal ljósmóður sem var á næturvöktum um helgina, tveggja feðra og sjö barna, ásamt stuðningi og styrk frá Sykurverk og Axelsbakaríi voru grunnurinn að 2.262 bollakökum – möffins – sem ruku út eins og fagurlega skreyttar bollakökur gera að jafnaði á viðburðinum.

Allur ágóði af bollakökusölunni rennur ávalt til fæðingadeildar Sjúkrahússins á Akureyri. Salan í fyrra fór hátt í 1,5 milljónir króna, sem er um fjórðungi, eða 300 þúsund krónum meira en árinu áður.

Láttu þig ekki vanta á þessa frábæru fölskylduskemmtun um Verslunarmannahelgina, kaupum og borðum möffins í góðum félagsskap og styrkjum gott málefni í leiðinni. 

*Nánari upplýsingar og tímasetningar auglýstar síðar